Питрәч районында алтын туйларын билгеләп үтүче гаиләләрне котладылар
Питрәч районында быел бергә яшәүләренең 50 еллыгын бәйрәм итүче 4 парны хөрмәтләделәр. Аларны беренче булып район башкарма комитеты җитәкчесе урынбасары Марина Харитонова котлады. Бу хакта «Алга» сайтында хәбәр ителә.
«Сез ярты гасыр бергә, бер язмыш белән, бер-берегезгә мәхәббәт һәм тугрылык саклап яшисез. Без барыбыз да Сезнең белән горурланабыз! Сәламәтлегегез нык, янәшәгездә һәрвакыт игътибарлы һәм кайгыртучан балалар һәм оныклар булсын», - диде ул.
Кунаклар өчен зур булмаган концерт программасы әзерләделәр. ЗАГС бүлеге җитәкчесе Рәшидә Сәхәбиева парларга әлеге мөһим тантананы уздыруда ышаныч белдергәннәре өчен рәхмәт белдерде һәм аларга алтын юбилейларын теркәү турында таныклыклар тапшырды. Гаиләләр Мактау китабына үз имзаларын куйды.
« Мөгаен, тормышыгызда һәр гаиләдәге кебек үк, төрле чорлар булгандыр: уңышлар һәм җиңелүләр, күтәрелүләр һәм югалтулар, өметләр һәм канәгатьсезлекләр. Ләкин иң мөһиме, сез бер-берегезне сайлаганда ялгышмадыгыз», - диде ул.
Шулай ук туганнардан – абыйларыннан, апаларыннан, балаларыннан һәм оныкларыннан да котлаулар яңгырады. Алар барысы да әти-әниләренә зур рәхмәтләрен белдерде.