Питрәч районы мәчетендә балалар өчен белем алу һәм күңел ачу чаралары әзерләнә
Скопировать ссылку
Җәйге каникуллар вакытында Питрәч районы Званка авылының «Рамазан» мәчетендә мәктәп укучылары өчен рухи-сәламәтләндерү чаралары үтәчәк. Бу хакта «Алга» сайтында хәбәр ителә.
Программада әхлак һәм ислам нигезләре, Коръән буенча дәресләр, шулай ук викторина, конкурс, Сабантуй һәм башка күңелле очрашулар каралган.
10 июньнән 5 июльгә кадәр курслар малайлар өчен, 15-26 июльдә кызлар өчен була.
Катнашу өчен + 790610 82674 номеры буенча алдан язылырга кирәк.