Питрәч районы Кощак авылыннан волонтер хәрбиләргә кирәк-яраклар җыюда ярдәм сорый
Питрәчнең Кощак авылыннан волонтер райондашларына үтенеч белән мөрәҗәгать итте. Ул махсус хәрби операциядәгеләргә кирәк-яраклар җыярга ярдәм итүне сорый. Бу хакта «Алга» сайтында хәбәр ителә.
«Кадерле дуслар! 21 сентябрьдә гуманитар йөк һәм адреслы посылкалар җибәреләчәк, Луганск һәм Донецк халык республикаларына барабыз. Гуманитар ярдәмне үзебез алгы сызыкка илтәбез. Сезнең ярдәмгә бик өметләнәбез», – дип хәбәр итә ул.
Гигиена чараларыннан кирәкле әйберләр исемлеге: дымлы салфеткалар һәм сөлгеләр, теш пастасы һәм щеткасы, сабын, порошок, авыз чайкагычлар, бәдрәф кәгазе, бер тапкыр кулланыла торган кырыну станоклары, һәм кырыну өчен күбек/лосьон. Шулай ук азык-төлек - конфет, печенье, шикәр, бал, тиз әзерләнә торган пюре һәм токмач, консерва, тушенка, суган, сарымсак, бәрәңге, кишер, ярма, май, 1,5 литрлы су җыябыз. Киемнәрдән эчке кием, оекбаш, футболка, трико кирәк.
Җыю пункты: Кощак амбулаториясе янындагы павильон, Комсомольская урамы, 13а йорт. Алдан шалтырату өчен телефон: 89520440006.