Питрәчтә үзмәшгульлек белән шөгыльләнүчеләр ярминкәсе үткәргәннәр
Биредә төрле мастер-классларда катнашырга, сырлардан һәм башка продуктлардан авыз итеп карарга мөмкин иде.
(Казан, 3 июль, "Татар-информ", "Алга"). Питрәч районында беренче тапкыр үзмәшгульлек белән шөгыльләнүче гражданнар ярминкәсе узды. Эшмәкәрләр өчен бу үз продукцияләрен сату өчен тагын бер мөмкинлек булды. Бу турыда җирле басма хәбәр итә.
Биредә төрле мастер-классларда катнашырга, сырлардан һәм башка продуктлардан авыз итеп карарга мөмкин иде. Беренче ярминкә Богородск авылында узды, мондый чаралар районда традициягә әверелер, дип вәгъдә итәләр.