Питрәчтә йөк машинасы белән авариядә ике кеше һәлак булган
М7 юлындагы әлеге һәлакәттә тагын ике өлкән кеше һәм бала имгәнгән.
(Казан, 28 июнь, “Татар-информ”).Татарстанда Питрәч районында йөк машинасы белән авариядә ике кеше һәлак булган. Бу хакта “Татар-информ” агентлыгына Гадәттән тыш хәлләр министрлыгы матбугат хезмәтендә хәбәр иттеләр.
Авариядә тагын ике өлкән кеше һәм бала имгәнгән. Аларны хастаханәгә озатканнар.
М7 юлында Отар-Дубровка авылы янында “Ниссан Кашкай” һәм “Ивеко” йөк машинасы бәрелешкән. Бәрелешкәннән соң, җиңел машина нык янчелгән.
Урынга Шәле авылы янгын сүндеүчеләре килгән. Алар машиналарның аккумуляторларын сүндергән. “Ниссан” машинасыннан һәлак булганнарны һәм зыян күргәннрне гидравлик инструмент ярдәмендә чыгарганнар.
