Питрәчнең армспорт буенча командасы Түбән Камадан кубок белән кайткан
Түбән Камада армспорт буенча юниорлар арасында беренчелек һәм олылар арасында Татарстан чемпионаты уздырылды.
Скопировать ссылку
(Казан, 12 ноябрь, "Татар-информ", "Алга", Илшат Гайсаров). Түбән Камада армспорт буенча юниорлар арасында беренчелек һәм олылар арасында Татарстан чемпионаты үтте. Район тарихында беренче тапкыр Питрәч спортчылары юниорлар арасында гомумкоманда исәбендә беренче урын алды. Бу хакта "Алга" газетасы хәбәр итә.
фото: pestrecy-rt.ru
Үз үлчәү категорияләрендә Антон Фирсов, Рияз Баһаутдинов, Илгиз Нәфыйков республика чемпионнары булды. Илдан Сафин, Әлфис Әхмәтов, Влада Меташоп икенче урын яулады. Команданың тренеры - Россиянең атказанган спорт мастеры, атказанган тренер Сергей Блохин.
Сергей өченче тапкыр ир-атлар арасында республика чемпионы булды, җиде тапкыр дөнья чемпионы Артур Макаров үз үлчәү категориясендә пьедесталның югары баскычына күтәрелде. Безнең юниор Илгиз Нәфыйков та беренче урын яулады. Рияз Баһаутдинов һәм Марат Зарипов - икенче, Антон Фирсов өченче урында.
