Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Питрәч районы Шәле авылында балыкчылар беренчелеге үтәчәк
Җиңүчеләрне тоткан балыкларның гомуми авырлыгына карап билгеләячәкләр.
(Питрәч, 25 июнь, "Татар-информ", "Алга" , Илшат Гайсаров). 2018 елның 1нче июлендә Шәле авылы буасында һәвәскәр балыкчы Миңнулла Шәмсетдинов истәлеге призына калкавычлы кармакка балык тоту буенча ачык беренчелек үтәчәк, дип яза район газетасы.
Ярышлар 8.30 сәгатьтә башлана. Башта катнашучыларны теркәү һәм җирәбә салу булачак. Ярышта катнашучыларга бернинди чикләүләр юк.
Катнашучыларга бер калкавычлы кармак белән балык тотарга туры киләчәк. Алдавыч һәм җимнәрне катнашучы үзе сайлый.
Җиңүчеләрне - тоткан балыкларның гомуми авырлыгына карап билгеләячәкләр.
Шулай ук балыкчылык буенча кызыклы ярышлар оештырылачак.
Җиңүчеләрне һәм призерларны ярышларны оештыручылардан һәм иганәчеләрдән - “Барысы да балыкчылык өчен” (Механизаторлар урамы, 1Б йорт) кибетеннән һәм Илфат Галимуллиннан истәлекле бүләкләр көтә.
Кызыклы яңалыкларны күзәтеп бару өчен Телеграм-каналга язылыгыз