Спорт 12 октябрь 2016 09:19

Питрәч районы егете Артур янә дөнья чемпионы булды

Аның тренеры - планетаның ике тапкырлар чемпионы Сергей Блохин.

Скопировать ссылку

(Казан, 12 октябрь, “Татар-информ”). Питрәчнең комплекслы балалар һәм яшүсмерләр спорт мәктәбендә тәрбияләнүче халыкара класслы спорт мастеры Артур Макаров армспорт буенча дөнья чемпионы булды. Дөнья чемпионаты Болгариядә узды. Артур ир-атлар арасында уң кул белән көрәшү буенча 70 кг-га кадәрге авырлык категориясендә беренче урын алды. Безнең чемпионның тренеры планетаның ике тапкырлар чемпионы Сергей Блохин, дип хәбәр итә районның pestreci.tatarstan.ru сайты.

Артур Макаровның моңарчы да ике тапкыр дөнья чемпионы, Европа чемпионы, Россия һәм Татарстан күләмендәге ярышларда күп тапкырлар җиңүче һәм призер булганы билгеле.

#Питрәч #армспорт

Сәхифәләр

Питрәч районы егете Артур янә дөнья чемпионы булды