Питрәч районы башлыгына диплом һәм истәлекле бүләк тапшырдылар
Бүләкне фестиваль хәрәкәтенең генераль продюсеры Дмитрий Туманов тапшырды.
(Казан, 20 февраль, "Татар-информ", "Алга"). Питрәч районы башлыгы Илһам Кашаповка Татарстанның милли яшьләр иҗади элитасын булдыруга өлеш керткән өчен "Созвездие–Йолдызлык" фестивалендә миллиончы катнашучы хөрмәтенә диплом һәм истәлекле бүләк тапшырдылар. Бу турыда җирле район басмасы хәбәр итә.
Бүләкне фестиваль хәрәкәтенең генераль продюсеры Дмитрий Туманов тапшырды.
Ул фестивальгә һәм аның яшь катнашучыларына ярдәм күрсәтүе өчен район башлыгына рәхмәт белдерде, шулай ук районда сәләтле балаларның күп булуын билгеләп үтте.
Алар арасында консерватория студентлары, ГИТИСны тәмамлаучылар, "Восторг" триосы кебек төрле еллардагы "Йолдызлык" лауреатлары һәм җиңүчеләре – Зилә Гибатова, Юля Макарова, Руфинә Хәлиуллина, һәм шулай ук солист Игнат Изотов бар.