Питрәч районы башлыгы умартачылар һәм авыл хуҗалыгы белгечләре белән очрашты
Район башкарма комитеты җитәкчесе Альберт Хәбибуллин җыелган балны сатуга чыгарганчы химик матдәләргә тикшерергә тәкъдим итте.
(Питрәч, 8 август, "Татар-информ", "Алга"). Питрәч районы башлыгы Илһам Кашапов район хакимият бинасында киңәшмә үткәрде, анда умартачыларны да, авыл хуҗалыгы белгечләрен дә чакырганнар иде. Бу турыда район газетасы хәбәр итә.
Быел безнең районда да шундый проблема килеп чыкты. Июль ахырына булган мәгълүматларга караганда, 3933 умартаның иллесе химикатлар белән агуланган, тугызы һәлак булган.
Илһам Кашапов билгеләп үткәнчә, монда умартачыларга пестицидлар куллану вакыты һәм урыны турында вакытында хәбәр итмәү хәлиткеч роль уйнаган.
"Умарталары пестицидлар куллану урыныннан 7 километрдан да кимрәк ераклыкта урнашкан умартачыларга ике-өч көн кала - массакүләм мәгълүмат чаралары, торак пункт администрациясе, авыл хуҗалыгы һәм азык-төлек идарәсе, ветеринария хезмәте вәкилләре аша бу турыда хәбәр итәргә кирәк", - диде ул.
Илһам Кашапов шулай ук район буенча кырларны цифрлаштыру алып барылуын, шуңа күрә тиздән умартачыларга актуаль мәгълүматны, теге яки бу участокта нинди технологик чаралар үткәреләчәген, кайда чәчеләчәген һәм нинди технологик чаралар үткәреләчәген күзәтеп торырга мөмкин булачак, дип сөйләде.
Районның авыл хуҗалыгы һәм азык-төлек идарәсе башлыгы Ирек Сабиров, кагыйдә буенча, пестицидлар белән барлык эшләр дә болытлы һәм салкынча һава шартларында, бал кортлары очмый торган вакытта үткәрелергә тиеш дип искәртте.
Район башкарма комитеты җитәкчесе Альберт Хәбибуллин җыелган балны сатуга чыгарганчы химик матдәләргә тикшерергә тәкъдим итте.