Питрәч районы башлыгы итеп Илһам Кашапов билгеләнергә мөмкин
Татарстан Премьер-министры Алексей Песошин җирле совет депутатларына әлеге кандидатураны район башлыгы вазифасына тәкъдим итте.
(Казан, 17 гыйнвар, “Татар-информ”). Татарстанның Питрәч районы башлыгы итеп Илһам Кашапов билгеләнергә мөмкин. Бу хакта “Татар-информ”га үз чыганакларыннан хәбәр иттеләр.
Татарстан Премьер-министры Алексей Песошин җирле совет депутатларына әлеге кандидатураны - Илһам Кашаповны район башлыгы вазифасына тәкъдим итте.
Илһам Кашапов Питрәч районында Ленино-Кокушкино авыл җирлеге депутаты булып тора. 2016 елның сентябреннән “Казан кошчылык фабрикасы”н җитәкли.
Питрәч районы советы утырышында районның гамәлдәге башлыгы Эдуард Дияров аңа башка эшкә күчү тәкъдиме керүен билгеләп үтте.