Питрәч егете Россия чемпионатында беренче урын алды
Артур Макаров - Питрәч балалар, яшүсмерләр комплекслы спорт мәктәбендә тәрбияләнгән спортчы, өч тапкыр дөнья чемпионы.
Скопировать ссылку
(Питрәч, 28 март, "Татар-информ", "Алга"). Екатеринбургта армрестлинг буенча XXIX Россия чемпионаты үтте. Анда Россиянең 47 регионыннан дүртйөзләп кул көрәштерүче җыелды. Питрәчле Артур Макаров уң кул белән көрәшүдә беренче урын алды. Бу турыда район газетасы хәбәр итә.
Ике төр ярыш нәтиҗәләре буенча Артур икенче урында.
Питрәч балалар, яшүсмерләр комплекслы спорт мәктәбендә тәрбияләнгән спортчы, өч тапкыр Дөнья чемпионы, Россиянең атказанган спорт мастеры Артур Макаровның тренеры - Россиянең атказанган спорт мастеры һәм атказанган тренеры Сергей Блохин.