Пилотсыз системалар гаскәрендә БПЛА операторлары фронт сызыгыннан 15-20 км ераклыкта эшли
Пилотсыз системалар гаскәрләрендә БПЛА операторлары фронт сызыгыннан 15-20 километр ераклыкта эшли, бу дошманның утлы һөҗүменә эләгү куркынычын киметә. Бу хакта «Татар-информ»га контракт буенча хезмәткә сайлап алу пункты офицеры Виктор Никитин сөйләде.
Билгеле булганча, 1 гыйнвардан Татарстанда РФ Саклану министрлыгы белән контракт төзергә теләүче гражданнарга түләүләрне 2,9 млн сумга кадәр арттырдылар, бу илдә иң югары түләүләрнең берсе. Әлеге түләү ике өлештән тора: 2,5 млн сум Татарстан бюджетыннан бирелә, ә 400 мең сумны министрлык бирә.
Моннан тыш, нәкъ менә Татарстанда махсус хәрби операциядә катнашучылар һәм аларның гаиләләре өчен 3 меңгә якын ярдәм чарасы гамәлдә.
Татарстанда пилотсыз системалар гаскәрләрендә хезмәт итү контрактына кул куярга теләүчеләр өчен 117 нче хезмәте аерым кайнар линия ачты. Сөйләшү өчен 117 номерына шалтыратып, 4 төймәсенә басарга кирәк. Әгәр дә кандидат беренчел параметрлар буенча пилотсыз системалар гаскәрләрендә хезмәт итү өчен туры килә икән, аның контакт мәгълүматларын белгечкә сайлап алу пунктына тапшырачаклар.
Татарстан Республикасында РФ Саклану министрлыгы белән контрактка кул кую, өстәмә премияләр, ташламалар һәм түләүләр турында күбрәк heroes-tatarstan.ru сайтында белергә мөмкин. Шулай ук контракт буенча хәрби хезмәткә сайлап алу пунктына (1 нче разряд) түбәндәге адрес буенча мөрәҗәгать итәргә мөмкин: Казан, Аэропорт урамы, 1/40; тел. (843) 221 44 52. Башка төбәкләрдә яшәүчеләргә 8 800 222 59 00 яки кол-үзәкнең төбәкара номеры 117 буенча шалтыратырга кирәк.