Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Петербургта Түбән Кама татар дәүләт драма театры гастрольләре узачак
5 һәм 6 октябрь көннәрендә тамашачылар Туфан Миңнуллин пьесалары буенча "Яшьлек белән очрашу" һәм "Әлдермештән Әлмәндәр" спектакльләрен карый алачак.
(Казан, 3 октябрь, “Татар-информ”). Санкт-Петербургта Туфан Миңнуллин исемендәге Түбән Кама татар дәүләт драма театрының 30 еллыгына багышланган гастрольләре узачак. Бу хакта Татарстан Республикасының Санкт-Петербург шәһәрендәге һәм Ленинград өлкәсендәге даими вәкиллеге матбугат хезмәте хәбәр итә.
5 һәм 6 октябрь көннәрендә тамашачылар Туфан Миңнуллин пьесалары буенча куелган "Яшьлек белән очрашу" һәм "Әлдермештән Әлмәндәр" спектакльләрен карый алачак.
"Яшьлек белән очрашу" - театрның күптәнге спектакльләренең берсе, ул инде 28 ел дәвамында төрле буын артистлары тарафыннан уйнала. Спектакльнең музыкаль бизәлешендә татар халык җырлары һәм заманча композиторларның көйләре кулланылган.
"Әлдермештән Әлмәндәр” спектакленең премьерасы бер ел элек булган иде. Спектакль “Россиянең кече шәһәрләре театрлары” федераль партия проекты финанс ярдәме белән чыгарылды.
Кызыклы яңалыкларны күзәтеп бару өчен Телеграм-каналга язылыгыз