Петербургта «Әдәби марафон – 2026» йомгакларына багышланган әдәби-музыкаль очрашу узачак
Скопировать ссылку
14 ноябрьдә 12:00 сәгатьтә Санкт-Петербургта «Файда-Польза» татар җәмгыяте «Әдәби марафон» проекты катнашучылары белән берлектә марафонның 2026 елгы сезоны йомгакларына багышланган әдәби-музыкаль очрашу үткәрә. Чара ачык форматта узачак, теләге булган һәркем катнаша ала, дип хәбәр итә Санкт-Петербург татарлары порталы.
Очрашуның төп максаты — әдәби марафонның быелгы сезонының нәтиҗәләрен барлау, катнашучыларны бүләкләү һәм җылы аралашу өчен мәйданчык булдыру.
Кичә программасында:
- «Әдәби марафон – 2026» нәтиҗәләрен барлау һәм катнашучыларга дипломнар, истәлекле бүләкләр тапшыру;
- Нәфис сүз, җыр һәм бию;
- «Файда» һәм «Нур» иҗат коллективлары башкаруында музыкаль номерлар;
- Чәй табыны артында җылы аралашу.
