Җәмгыять 25 сентябрь 2009 10:06

Петербургның Торак комитеты башлыгы милләттәшебез Юнис Локманов икенче эшкә күчте

Санкт-Петербург губернаторы матбугат хезмәте хәбәр итүенә караганда, Юнис Локманов коммерциягә кагылышы булмаган "Торак комплексы"на җитәкчелек итәчәк

Скопировать ссылку

(Санкт-Петербург, 25 сентябрь, “Татар-информ”, Зәрия Хәсәнова). Санкт-Петербург Хакимияте каршындагы Торак комитеты җитәкчесе милләттәшебез Юнис Локманов икенче эшкә күчте. Юнис Халит улы урынына моңа кадәр шәһәрнең Приморский районы башлыгы булган Юрий Осипов билгеләнде. Санкт-Петербург губернаторы матбугат хезмәте хәбәр итүенә караганда, Юнис Локманов коммерциягә кагылышы булмаган "Торак комплексы"на җитәкчелек итәчәк. Юнис Халит улы торак-коммуналь хуҗалыкка икътисадый иң авыр вакытта килде. Нәкъ менә ул эшләгән чорда күп четерекле мәсьәләләр хәл ителде. Бу хакта губернатор Валентина Матвиенко үз чыгышларында берничә тапкыр ассызыклап әйтте. Локманов Санкт-Петербург һәм Ленинград өлкәсе Татар милли-мәдәни җәмгыяте әгъзасы. Күп мәдәни чараларны оештыруда башлап йөрде. Теодор Шумовский тарафыннан язылган Корьәннең шигъри тәрҗемәсенең дә соңгы күләмле, төсле басмасы Юнис Халит улы ярдәмендә дөнья күрде.

Сәхифәләр

Петербургның Торак комитеты башлыгы милләттәшебез Юнис Локманов икенче эшкә күчте