Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Петербургның татар рәссамнары үз эшләрен Яшел Үзәндә тәкъдим итәчәк
Күргәзмә 25 август көнне ачыла.
(Казан, 29 июнь, “Татар-информ”). 25 август көнне Яшел Үзәндә “Невадан Иделгә кадәр” исемле күргәзмә ачылачак. Аны оештыру мәсьәләләрен карау өчен 27 июньдә Татарстан Республикасының Санкт-Петербург һәм Ленинград өлкәсендәге даими вәкиле Ренат Вәлиуллин Питер рәссамы Илдус Вахитов белән очрашу үткәрде, дип хәбәр итәләр Бөтендөнья татар конгрессыннан.
Яшел Үзәндәге күргәзмәне Санкт-Петербург һәм Ленинград өлкәсендәге даими вәкиллек, Кронштадт һәм Яшел Үзән тугандаш шәһәрләр администрацияләре оештыра.
Үз эшләрен күргәзмәгә А. Галимов, Р.Мифтахетдинов, Т. Яруллин, И. Вахитов, Р.Римишевская һәм төньяк башкаланың башка татар рәссамнары тәкъдим итәчәк. Күргәзмә Яшел Үзән шәһәренең 85 еллыгына һәм Татарстан Республикасы көненә багышлана, дип билгели оештыручылар.
Күргәзмә түбәндәге адрес буенча үтәчәк: Яшел Үзән шәһәре, Сәнгать галереясе, Засорин ур., 2 йорт. Әлеге чара 25 август көнне 16.00 сәгаттә ачылачак.
Кызыклы яңалыкларны күзәтеп бару өчен Телеграм-каналга язылыгыз