news_header_top_970_100
news_header_bot_970_100

Петербурглылар Татарстан Республикасы Президенты Минтимер Шәймиев тәбрикләвен алды

ТРсының төньяк башкаладагы даими вәкиле Ш.Әхмәтшин Корбан гаете мәҗлесендә җыелучыларны М.Шәймиев һәм үзе исеменнән изге теләкләрен җиткерде

(Санкт-Петербург, 1 декабрь, “Татар-информ”, Зәрия Хәсәнова). Санкт-Петербург һәм Ленинград өлкәсе Татар милли-мәдәни җәмгыяте милләттәшләр өчен оештырган Корбан бәйрәме мәҗлесендә Татарстан Республикасының төньяк башкаладагы даими вәкиле Шамил Әхмәтшин да катнашты. Шамил Камил улы тантанага җыелучыларны туган телдә ихлас котлады. Милләттәшләргә Татарстан халкы, Президентыбыз Минтимер Шәймиев һәм үзе исеменнән изге теләкләрен җиткерде. Татарстандагы сәяси хәл, андагы яңалыклар белән дә таныштырды. Шулай ук бу олы мәҗлескә Бөтендөнья татар конгрессы әгъзасы, РФ атказанган төзүчесе Шамил Акбулатов та чакырылган иде.

news_right_column_1_240_400
news_right_column_2_240_400
news_bot_970_100