Җәмгыять 26 гыйнвар 2010 10:51

Петербург Милләтләр йортында Ленинград камалышы өзелүгә багышланган чара

Әлеге очрашуга милләттәшебез Габделхәй Галләмов та чакырылган

Скопировать ссылку

(Санкт-Петербург, 26 гыйнвар, “Татар-информ”, Зәрия Хәсәнова). Бүген төньяк башкаланың Санкт-Петербург дәүләт учреждениесе "Санкт-Петербург Милләтләр йорты"нда Ленинградны фашистлар камалышыннан тулысынча азат итүнең 66 еллыгына багышланган түгәрәк өстәл оештырыла.
Түгәрәк өстәл янына Бөек Ватан сугышы чорында Ленинград камалышында калганнар, Бөек Ватан сугышы ветераннары, мәктәп укучылары, шәһәрнең милли-мәдәни оешмалар әгъзалары - яшьләр җыелачак. Аяусыз сугыш авырлыгын үз җилкәсендә кичергәннәр һәм бу кансыз көрәшне китаплардан гына укып белгәннәр очрашачак. Мәдәни чара "Чыдадык, чөнки бергә булдык" дигән баш астында оештырылачак. Әлеге очрашуга милләттәшебез Габделхәй Галләмов та чакырылган. Ул 1932 елда Ленинградта туган, фашист камалышы тудырган барлык авырлыкларны кичергән. Санкт-Петербург дәүләт учреждениесе "Санкт-Петербург Милләтләр йорты" башкарма директоры Ислам Гатин сүзләренә караганда, Ленинград камалышы өзелүнең 66 еллыгына багышланган мәдәни чаралар дәвам итәчәк.

Сәхифәләр

Петербург Милләтләр йортында Ленинград камалышы өзелүгә багышланган чара