Петербург икътисади форумындагы Татарстан стендын Гарәп Әмирлекләре вәкиле карады
Скопировать ссылку
Петербург халыкара икътисади форумында тәкъдим ителгән Татарстан стендын Берләшкән Гарәп Әмирлекләренең икътисад һәм туризм министры Абдулла бен Тук Әл Марри карады. Аңа республикага инвестицияләр ясау өчен төп юнәлешләр турында сөйләделәр, «Туган батыр» проектын тәкъдим иттеләр, шулай ук төбәкнең туристик потенциалы белән таныштырдылар.
ТР Туризм буенча дәүләт комитеты рәисе Сергей Иванов кунакка республикада туризм үсеше дәрәҗәсе, шулай ук Казан белән Гарәп Әмирлекләренең берничә шәһәре арасында туры авиаэлемтә булуы турында сөйләде. Әл Марри исә Казанга килергә вәгъдә итте.