Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Песошин бәйрәмнәр вакытында иминлек чараларын көчәйтергә чакырды
Татарстан Премьер-министры Алексей Песошин традицион республика киңәшмәсендә бу ял көннәрендә төбәктә уза торган массакүләм чараларны оештыручыларны хокук саклау органнары белән көчәйтелгән иминлек чараларын күрергә чакырды. Бу хакта Татарстан Рәисе матбугат хезмәте хәбәр итә.
Татарстанда 1 миллионнан артык яшь кеше яши, алар исәбенә республикада яшәүче һәр дүртенче кеше керә. «Үсеп килүче буынны тәрбияләү, киң мөмкинлекләр тудыру, яшьләрне персональләштерү – безнең эштә иң мөһим бурычлар», – дип билгеләп үтте Алексей Песошин.
Шуңа бәйле рәвештә Татарстан Хөкүмәте башлыгы агымдагы елда Татарстан бүген билгеләп үтелә торган Яшьләр көнен бәйрәм итүнең федераль мәйданчыкларының берсенә әверелүен искәртте. Моннан тыш, бәйрәм уңаеннан чаралар республиканың барлык шәһәр һәм районнарында узачак.
Бу ял көннәрендә төбәктә башка зур чаралар да планлаштырылган. Бу, аерым алганда, ачык һавада VK fest музыкаль-күңел ачу фестивале һәм шосседа велоузышлар буенча Россия чемпионатының күмәк ярышлары.
Моннан тыш, Татарстан районнарында республикада традицион мәдәният бәйрәмнәренең язгы-җәйге циклы дәвам итә. Бүген Балтач районында - удмуртларның «Гырон быдтон» бәйрәмен, ә иртәгә Нурлат районында чуваш мәдәниятенең «Уяв» республика бәйрәмен билгеләп үтәчәкләр.
Кызыклы яңалыкларны күзәтеп бару өчен Телеграм-каналга язылыгыз