Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Песошин Казанда беренче БРИКС халыкара төзелеш атналыгын ачты
Россиядә беренче тапкыр БРИКС халыкара төзелеш атналыгы уза. Казан киң колачлы тармак форумын уздыру мәйданчыгына әверелде, ул соңгы елларда халыкара хезмәттәшлек үзәкләренең берсе буларак үз позицияләрен ныгытты. Бу хакта Татарстан Премьер-министры Алексей Песошин «Казан Экспо» үзәгендә чараны ачу тантанасында белдерде.
«Бүген без мондый чаралар форматында яңа бит ачабыз. Россиядә беренче тапкыр БРИКС халыкара төзелеш атналыгы уза», - дип билгеләде Песошин.
ТР Хөкүмәте башлыгы ассызыклаганча, төзелеш тармагы Татарстан икътисадының төп двигательләренең берсе булып кала. 2025 елда республикада төзелеш күләме 1 трлн сумнан артык тәшкил итте, ә 2026 елга күрсәткеч 1,086 трлн сум булыр дип планлаштырылган.
Форумда шәһәрләрне үстерү, торак төзелеше, яңа технологияләр кертү, инвестицияләр җәлеп итү һәм коммуналь инфраструктураны модернизацияләү мәсьәләләренә аерым игътибар биреләчәк.
«Бүген төзелеш тармагы өчен күләмнәрне саклап калу гына түгел, проектларны гамәлгә ашыруның сыйфатын күтәрү дә мөһим. Торакны инженерлык челтәрләре, юллар, мәктәпләр, балалар бакчалары һәм башка социаль инфраструктура белән бер үк вакытта файдалануга тапшырырга кирәк», – дип ассызыклады Премьер-министр.
Аның сүзләренчә, бу бурычларны хәл итү хакимиятләр һәм девелоперларның даими хезмәттәшлеген, Россиядәге һәм халыкара тәҗрибәләр белән уртаклашуны, цифрлы инструментлар кертүне һәм инвестицияләү һәм төзелешкә яңа алымнар кертүне таләп итә.
Яңалыкларны күзәтеп бару өчен Макс-каналга язылыгыз