Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Песков: Россиядә өлешчә мобилизациянең яңа дулкыны үткәрелми
Хәзерге вакытта Россиядә өлешчә мобилизациянең яңа дулкыны үткәрелми, дип белдерде Кремльнең рәсми вәкиле Дмитрий Песков. Бу хакта РИА Новости агентлыгы хәбәр итә.
«Бернинди дә яңа дулкын юк, биредә һәр конкрет губернатордан аларның нәрсәне күздә тотуын сорарга кирәк», - дип искәртте РФ Президентының матбугат секретаре.
Октябрь башында Ростов өлкәсе хакимиятендә белдерүләренчә, төбәк өлешчә мобилизация буенча РФ Саклану министрлыгы планын тулысынча үтәгән. Шуңа да карамастан, кичә төбәк губернаторы Василий Голубев өлкәнең яңа мобилизацион бирем алуы хакында хәбәр итте.
Шул ук вакытта, Дәүләт Думасында өлешчә мобилизациянең берничә этабы турындагы хәбәрләрне кире кактылар. Соңрак Ростов өлкәсе хәрби комиссары Игорь Егоров та шундый белдерү ясады.
Россия быелның 24 февраленнән Украинада махсус хәрби операция үткәрә. Дәүләт башлыгы Владимир Путин 21 сентябрьдә илдә өлешчә мобилизация уздыру турында игълан итте. Соңрак Татарстан Президенты Рөстәм Миңнеханов «шәһәр һәм район җитәкчеләренә республикабыздан мобилизацияләнгән һәр гражданинның гаиләсен шәхси контрольгә алырга кирәклеген» искәртте.
Кызыклы яңалыкларны күзәтеп бару өчен Телеграм-каналга язылыгыз