news_header_top_970_100
Руc Тат
16+
news_header_bot_970_100
Сәясәт 20 март 2023 13:40

Песков Путинның үз аресты ордеры турында яңалыкны ничек кабул итүе турында сөйләде

Скопировать ссылку

Россия Президенты Владимир Путин Халыкара җинаять судыннан «кулга алу» ордеры турындагы яңалыкка тыныч карады. Ул эшен элеккеге режимда дәвам итә. Бу хакта журналистларның сорауларына җавап биреп, Кремльнең рәсми вәкиле Дмитрий Песков әйтте.

«Без илгә һәм безнең Президентка карата ачыктан-ачык дошманлык күренешләрен күзәтәбез, әлбәттә, без моны теркәп торабыз. Әмма бу күренешләрнең һәркайсын йөрәккә якын кабул итсәң, мөгаен, бернинди яхшы нәрсә килеп чыкмас», - дип китерә дәүләт башлыгы матбугат сәркатибе сүзләрен РИА Новости.

Аның сүзләренчә, мондый һөҗүмнәр теркәлә, әмма Кремльдә дә, Президентның үзендә дә борчу тудырмый. «Шуңа күрә моңа тыныч карыйбыз, барысын да җентекләп теркәп барабыз, эшләүне дәвам итәбез. Иң мөһиме, Президент эшләвен дәвам итә», - дип йомгак ясады Песков.

autoscroll_news_right_240_400_1
autoscroll_news_right_240_400_2
news_bot_970_100