Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Песков: Путин тәкъдим иткән БРИКС инвестицион платформасы SWIFT системасын алмаштырмаячак
Россия Президенты Владимир Путин тәкъдим иткән БРИКС инвестицион платформасы SWIFTS халыкара түләү системасына альтернатива булмаячак. Бу хакта Кремль рәсми вәкиле Дмитрий Песков белдерде, дип хәбәр итә «Российская газета».
РФ Президенты матбугат сәркатибе сүзләренчә, «түләү системаларының ниндидер элементлары [БРИКС инвестицион платформасында] булырга мөмкин». «Ләкин бу берничек тә SWIFT яки башка нәрсәгә дә булса альтернатива буларак исәпләнмәгән», - дип ассызыклады ул.
Песков шулай ук БРИКС инвестицион платформасын булдыру турында әле эксперт дәрәҗәсендә фикер алышу булачак, диде. Ул «электрон инструментлар кулланып, үсә баручы икътисадлы илләрдә инвестицион эшчәнлеккә ярдәм итәргә тиеш», дип өстәде Кремль вәкиле.
Элегрәк Владимир Путин БРИКС саммитының киңәйтелгән составтагы утырышында «безнең илкүләм икътисадларга ярдәм итү өчен көчле корал булачак һәм глобаль Көньяк һәм Көнчыгыш илләрен финанс ресурслары белән тәэмин итәчәк яңа БРИКС инвестицион платформасын булдырырга» чакырды.
Кызыклы яңалыкларны күзәтеп бару өчен Телеграм-каналга язылыгыз