Песков Казанда узачак БРИКС саммитын дөньядагы төп вакыйгаларның берсе дип атады
Скопировать ссылку
Казанда булачак БРИКС саммиты дөньякүләм көн тәртибендәге төп вакыйгаларның берсе булачак. Мондый фикерне Россия Президентының матбугат сәркатибе Дмитрий Песков белдерде.
Дәүләт башлыгы Владимир Путин атна буе булачак саммитка әзерләнәчәк, дип сөйләде ул.
«Бу халыкара көн тәртибендәге төп чараларның берсе, катнашучылар составын исәпкә алып дөньякүләм булачак», - диде Кремль вәкиле.
Элегрәк Россия Дәүләт Думасы спикеры Вячеслав Володин БРИКСны күп полярлы дөнья гарантиясе дип атады.