news_header_top_970_100
Руc Тат
16+
news_header_bot_970_100
Җәмгыять 28 май 2023 14:44

Песков: Безгә каршы барлык фронтларда да сугыш бара

Скопировать ссылку

Россиягә каршы барлык фронтлар буенча да сугыш оештырылган, ләкин ил җитәкчелеге аның мәнфәгатьләрен кайгырта торган карарлар кабул итәргә тиеш. Бу хакта Кремльнең рәсми вәкиле Дмитрий Песков «Москва. Кремль. Путин» тапшыруы өчен журналист Павел Зарубинга биргән интервьюсында әйтте.

«<…> киңрәк мәгънәдә әйткәндә – сугыш бара, барлык фронтлар буенча да безгә каршы сугыш бара. Икътисад өлкәсендә дә, дәүләтара мөнәсәбәтләр, милек мөнәсәбәтләре өлкәсендә дә», – диде Песков.

«Элек чын мәгънәсендә изге булган нәрсәләргә кул сузалар. Шулай да, без бу какшамас нигезләрнең бернидән дә чирканып тормаган Көнбатыш вәкилләренең аяк астында убылуын күрәбез», – диде Песков.

«Без хисләргә бирелергә тиеш түгел, без аек акылны, оешканлыкны һәм үзебезгә отышлы булганны эшләргә көчне сакларга тиешбез. Без борчылуларыбыз, үзебез өчен кабул ителмәслек мизгелләр һәм көрәшергә туры киләчәк нәрсәләрне төгәл җиткерү өчен кырыс, шул ук вакытта ачык булырга тиешбез», – дип өстәде ул.

«Конфликтның максаты була. Безнең Президентыбыз [Россия Президенты Владимир Путин] әйткән максатларыбыз бар. Алар үзгәрмәде. Бу максатлар үтәлергә тиеш», – диде Песков Украинадагы махсус операциянең перспективаларын шәрехләп.

autoscroll_news_right_240_400_1
autoscroll_news_right_240_400_2
news_bot_970_100