Пермьдә татар телен өйрәнү буенча якшәмбе мәктәбенә язылу бара
Пермь крае татарларының милли-мәдәни автономиясе “Чәкчәк” татар яшьләре оешмасы белән берлектә татар телен өйрәнү буенча 6 – 12 яшьлек балалар җыя.
Скопировать ссылку
(Казан, 5 гыйнвар, “Татар-информ”). Пермьдә татар телен өйрәнү буенча якшәмбе мәктәбенә язылу бара. Бу хакта Бөтендөнья татар конгрессы матбугат хезмәте хәбәр итә.
Пермь крае татарларының милли-мәдәни автономиясе “Чәкчәк” татар яшьләре оешмасы белән берлектә татар телен өйрәнү буенча якшәмбе мәктәбенә 6 – 12 яшьлек балалар җыя. Дәресләрне югары белемле укытучы Азалия Ганиева алып барачак. Алар уен формасында оештырыла.
Әлеге мәктәпкә йөрүчеләрнең Казанда “Милләтебез хәзинәләре” татар лагерендә татар телен камилләштерү мөмкинлеге булачак.