Татар дөньясы 7 апрель 2019 13:50

Пермьдә "Татар кызы" бәйгесенә әзерләнәләр

Төбәктә "Татар кызы" бәйгесенең финалы 18 апрельдә узачак.

Скопировать ссылку

(Казан, 7 апрель, "Татар-информ"). Пермьдә "Татар кызы-2019" бәйгесендә катнашучыларның аш-суга осталыкларын һәм белемнәрен сынап караганнар. Бу хакта җирле татар яшьләренең "Чәкчәк" оешмасы хәбәр итә.

Бәйгедә катнашучылар токмач кисеп күрсәткән. Моннан тыш кызларның белем дәрәҗәләрен дә тикшергәннәр. Алар Пермь татарларының гореф-гадәтләре һәм йолаларына бәйле сорауларга җавап биргән.

Бәйгенең беренче этабында "Татар кызы-2019" исеме өчен көрәшүчеләр чисталыкка хирыслыкларын һәм кул эшләренә осталыкларын күрсәткән булган. Алар калфак чиккән. Әлеге милли баш киеме белән кызлар конкурсның финал өлешендә чыгыш ясаячак.

Пермьдә "Татар кызы" бәйгесенең финалы 18 апрельдә узар дип планлаштырыла.

#татар кызы #пермь

Сәхифәләр

Пермьдә "Татар кызы" бәйгесенә әзерләнәләр