Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пермьдә гыйбадәт йорты ачылды
Бинаны мөселманнар төзекләндергән.
(Казан, 9 март, «Татар-информ»). Пермь шәһәренең Индустриаль районында гыйбадәт йорты эшли башлады.
Россия мөселманнарының Диния нәзарәте сайты язуынча, узган елның октябрендә Пермь краеның баш имам-мөхтәсибе Илһам хәзрәт Бибарсов хәер-фатихасы белән Пермьдә мөселманнарның «Умма» җирле дини оешмасы оештырылды һәм теркәлде.
Теркәлгәннән соң ук, яңа оешма әгъзалары актив рәвештә үз оешмасын үстерүнең киләсе этабына — гыйбадәт бүлмәсе булдыруга кереште. Мәхәллә кешеләре көче белән кыска вакыт эчендә ремонт ясалып, намаз уку өчен кирәкле барлык шартлар булдырылды.
Хәзер гыйбадәт йортына өлкән буын мөселманнар гына түгел, аларның гаилә әгъзалары, балалары да йөри. Алар аралаша, оешманың иң яхшы традицияләрен дәвам итә, проблемалары белән уртаклаша һәм барлык эшләрдә бер-берсенә ярдәм итә.
Пермьдә гыйбадәт бүлмәсен булдыру Пермь крае Мөселманнарының Диния нәзарәте эшчәнлегенең төп юнәлешләреннән берсе булып тора, диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз