Пермьдә балалар өчен бушлай татар теле дәресләре укытыла
Балалар биредә туган телне уен формасында өйрәнә.
Скопировать ссылку
(Казан, 4 февраль, «Татар-информ»). 3 февраль көнне «Чәкчәк» татар яшьләре оешмасы ярдәме белән Пермь крае татарларының милли-мәдәни автономиясе нигез салган якшәмбе мәктәбенең беренче дәресе узды. Бу хакта Бөтендөнья татар конгрессы матбугат хезмәте хәбәр итә.
Балалар биредә туган телне уен формасында өйрәнә. Дәресләр бушлай үткәрелә.
Теләге булганнар дәресләргә кушыла ала. Балалар өчен курсларга язылу өчен анкета тутырырга кирәк.