Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пермь краеның Әвәте авылында Каз өмәсе була
23 ноябрьдә Пермь краеның Лысьва округы Әвәте авылында Каз өмәсе була. Бу хакта «ВКонтакте» социаль челтәрендә Пермь татарлары милли-мәдәни автономиясе хәбәрендә әйтелә.
Әлеге бәйрәм «59 төбәкнең 59 фестивале» край проектына керә. Ул 2024 елда проект календарен тәмамлый торган чараларның берсе.
Бәйрәмдә каз асраучыларны бүләкләү тантанасы һәм гаилә эстафетасы була, «каз почтасы» ачыла һәм күмәк келәм ясала, «Үрдәкләр һәм ике каз оча» җыр марафоны оештырыла һәм «каз боткасы» пешерелә.
«Барыгызны да Каз өмәсендә көтеп калабыз. Җыр марафонына гаризалар шәхси хәбәрләрдә, программада күрсәтелгән телефон буенча кабул ителә. Гаилә эстафетасына гаиләләр (әти, әни, 6-12 яшьлек балалар) чакырыла, килгәч теркәлү узарга кирәк. Дусларыбыз һәм партнерларыбызның эше дә оештырыла: «Искра» газетасы басмага язылырга тәкъдим итә, «Неленивая Лысьва» клубы аукцион үткәрә», - дип искәртә бәйрәмне оештыручылар.
Каз өмәсе «59 төбәкнең 59 фестивале» край проектына керә һәм Пермь крае Мәдәният министрлыгы ярдәмендә гамәлгә ашырыла.
Кызыклы яңалыкларны күзәтеп бару өчен Телеграм-каналга язылыгыз