Татар дөньясы 18 май 2026 15:28

Пермь краенда татар халкының традицион бәйрәме – Сабан туе узачак

Скопировать ссылку

6 июньдә 11:00 сәгатьтә Пермь краеның Кызыл Восход бистәсендә, «Реприз» ат спорты клубы ипподромында татар халкының милли бәйрәме — Сабан туе узачак. Сабан туе – татар халкының хезмәтне, гореф-гадәтләрне, җыр-биюләрне берләштергән иң күркәм бәйрәмнәреннән берсе. Бу хакта Пермь крае татарлары милли-мәдәни автономиясе хәбәр итә.

Кунаклар өчен бик бай һәм күңелле программа әзерләнгән:

Ат чабышлары — бәйрәмнең иң кызыклы өлеше;
Гер күтәрү һәм башка спорт төрләрен үз эченә алган ярышлар;
Иҗади коллективлар концерты — милли җырлар, дәртле биюләр һәм театральләштерелгән тамаша;
«Милли хәләл кухня» — татар һәм башкорт халкының иң тәмле милли ризыкларыннан авыз итү;
Балалар һәм яшьләр мәйданчыклары — нәни кунаклар һәм яшүсмерләр өчен махсус уеннар, мастер-класслар;
Милли уеннар һәм күңел ачулар;
«Татар кызы — 2026» матурлык бәйгесенең финалы;
«Димче почмагы» танышулар бюросы — яңа дуслар һәм якын кешеләр табу мөмкинлеге.

Сәхифәләр

Пермь краенда татар халкының традицион бәйрәме – Сабан туе узачак