Пермь краенда тагын бер мәчет төзелә башлый
Яңа иман йорты йөзгә якын кешене сыйдырачак һәм җирле мөселманнарның рухи берләшү урыны булачак.
Скопировать ссылку
(Казан, 14 февраль, «Татар-информ»). Пермь краеның Октябрьский бистәсендә яшәүче мөселманнар мәчет төзү өчен рөхсәт алды. Бу хакта Пермь крае мөселманнары Диния нәзарәтенең матбугат хезмәте хәбәр итә.
- Октябрьский районы 85 торак пунктны берләштерә һәм Пермь краендагы иң мөһим территориаль пунктларның берсе санала.
Яңа иман йорты йөзгә якын кешене сыйдырачак һәм җирле мөселманнарның рухи берләшү урыны булачак.
Пермь крае мөселманнары Диния нәзарәте рәисе Илһам хәзрәт Бибарсов билгеләп үткәнчә, Октябрьский бистәсендәге әлеге мәчет Диния нәзарәте актив шөгыльләнәчәк дүртенче мөһим объект булыр дип көтелә.
- Пермь краенда Нытва шәһәре һәм Кондратово авылында иман йортлары торгызу буенча эшләр тәмамланып килә, Пермь шәһәренең үзендә дә мәчет төзү буенча шактый эш башкарылган.