news_header_top_970_100
news_header_bot_970_100

Пензаның Гафур Коләхмәтов исемендәге халык театры гастрольләргә чыга

Бу гамәл һәр районда һәм һәр авылда театр хәрәкәтен яңарту максатыннан тормышка ашырыла.

(Казан, 6 май, "Татар-информ"). Пенза татарларының Гафур Коләхмәтов исемендәге халык театры өлкә буйлап гастрольләргә чыга. Пенза татарлары автономиясе хәбәр итүенчә, бу гамәл һәр районда һәм һәр авылда театр хәрәкәтен яңарту максатыннан тормышка ашырыла. 
 
Халык театры апрель башында тәүге премьерасын - Г.Камал әсәре буенча сәхнәләштерелгән "Банкрот" әсәрен тамашачыга тәкъдим итте. 
 
Гастрольләрне артистлар Каменка районы Кобылкин авылыннан башлаган. Пенза шәһәрендә ясаган чыгышлардан кергән акчага халык театры әгъзалары драматургия буенча әдәбият сатып алган. Шул исәптән, Туфан Миңнуллинның "Сайланма әсәрләр"ен дә. Театрның баш режиссеры Равиля Кучер Кобылкин һәм Мочаляйка авыл китапханәсенә әлеге китапны һәм Ульям Шекспирның татар теленә тәрҗемә ителгән сайланма әсәрләрен бүләк иткән. 
 

news_right_column_1_240_400
news_right_column_2_240_400
Медиаметрикс
news_bot_970_100