Пензада «Татар тарихы» лекториеның яңа сезоны башлана
Пенза өлкәсе Татар милли-мәдәни автономиясе «Татар тарихы» лекториеның эшчәнлеге яңадан башлану турында хәбәр итте. Беренче очрашу татарларның миграциясен һәм демографиясенә багышланачак, диелә Пенза өлкәсе Татар милли-мәдәни автономиясенең ВКонтакте социаль челтәрендәге төркемендә.
Беренче очрашу иртәгә, 8 октябрьдә, 18:30 сәгатьтә узачак. Чарада катнашучыларны татар халкының тарихына багышланган кызыклы лекция көтә. Аны тарих укытучысы, автономия башкарма комитеты әгъзасы Ринат Үзбәков укыячак.
Төп тема – «Татарларның тарихи миграциясе һәм тарихи демографиясе». Тыңлаучылар халыкның тарихи күчешләре һәм демографик үзгәрешләре турында тыңлый алачак.
Чарада татар тарихы һәм мәдәнияте белән кызыксынучы һәркем катнаша ала.
