Татар дөньясы 24 май 2019 20:27

Пензада "Татар кызы-2019" бәйгесе кастингы узачак

Катнашучылар 1-2 минут эчендә үзләре белән таныштырырга һәм иҗади номер әзерләргә тиеш.

Скопировать ссылку

(Казан, 24 май, "Татар-информ"). 13 июнь көнне Пензада "Татар кызы-2019" бәйгесендә катнашучылар арасында кастинг узачак. Бу хакта җирле Татар милли-мәдәни автономиясе хәбәр итә.

Матурлык һәм сәләтлелек бәйгесендә яше 18дән узган, буе 160 сантиметрдан биегрәк булган кызлар катнаша ала. Моннан тыш, татар телен, милли гореф-гадәтләрне һәм йолаларны белү; Пенза өлкәсе территориясендә яшәү төп шарт булып тора.

Катнашучылар 1-2 минут эчендә үзләре белән таныштырырга һәм иҗади номер әзерләргә тиеш.

"Татар кызы-2019" исеменә лаек булган Пенза өлкәсе кызы Халыкара бәйгедә үз төбәге данын яклап чыгыш ясаячак.

#пенза #татар кызы

Сәхифәләр

Пензада "Татар кызы-2019" бәйгесе кастингы узачак