Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Пенза татарлары «Яна йолдыз» бәйгесе игълан итте
Пенза өлкәсендә «Яна йолдыз-2025» төбәк балалар иҗат һәм талант конкурсы узачак. Бу хакта Пенза өлкәсе татар милли-мәдәни автономиясе ВКонтакте социаль челтәрендәге сәхифәсендә хәбәр итә.
Конкурсның беренче этабы 3 февральдән 3 мартка кадәр Пенза өлкәсенең мәгариф учреждениеләрендә үтәчәк. Әлеге бәйгедә катнашу – вокаль, бию һәм актерлык осталыгыгызны күрсәтү өчен уникаль мөмкинлек, диелә хәбәрдә.
Беренче этапта катнашу өчен penzatatar-konkurs@yandex.ru электрон адресына 4 минуттан да озын булмаган видеоязма белән гариза юлларга кирәк. Видеода үзең һәм мавыгуларың турында сөйләү, шулай ук иҗади номерыңны (җыр, бию, театр куелышы) тәкъдим итү зарур.
Икенче этап 4 марттан 31 мартка кадәр үтә. Биредә жюри беренче этапны уңышлы узган катнашучылар арасыннан 10 финалистны (5 кыз һәм 5 малай) билгели.
Өченче этап – конкурс финалы апрельдә Пенза шәһәрендә уза.
- Конкурсны Пенза өлкәсе Хөкүмәте гранты ярдәмендә, Пенза өлкәсе Мәгариф министрлыгы һәм Пенза өлкәсе Төбәк үсеше институты белән берлектә «Пенза өлкәсе татар милли-мәдәни автономиясе» төбәк иҗтимагый оешмасы оештыра.
Кызыклы яңалыкларны күзәтеп бару өчен Телеграм-каналга язылыгыз