Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пенза өлкәсенең Селәү авылындагы «Курмыш» мәчетендә күмәк ифтар оештырылды
Пенза өлкәсенең Лопатино районы Селәү авылындагы «Курмыш» мәчетендә ир-атлар, хатын-кызлар һәм балалар өчен күмәк ифтар үткәрелде. Бу хакта Россия мөселманнары Диния нәзарәтенең матбугат хезмәте хәбәр итә.
Ифтарны Пенза өлкәсе мөселманнары Диния нәзарәте ярдәмендә Равил хәзрәт Арсланов оештырды. Форсаттан файдаланып, Равил хәзрәт балаларга тәравих намазына килгәннәре өчен бүләкләр тапшырды. Моннан тыш, Изге ай хөрмәтенә көн саен балаларга тәм-томнар өләшәләр.
Бу көнне шулай ук Коръән курслары да тәмамланды. Әлеге курсларда ир-атлар бер ел буе Изге китапны дөрес итеп укырга өйрәнгән. Әлеге истәлекле вакыйга уңаеннан, мөфти Ислам хәзрәт һәркемгә Коръән китабы тапшырды.
Равил хәзрәт сүзләренчә, карантиннан соң мәчеткә килүчеләр саны берничә тапкыр арткан. Алар өчен файдалы лекцияләр һәм ифтарлар оештырыла.
Кызыклы яңалыкларны күзәтеп бару өчен Телеграм-каналга язылыгыз