Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пенза өлкәсендә «Йөрәктән йөрәккә» чарасында балалар Коръән аятьләре укыды
Пенза өлкәсенең Каменка районы Кикин авылы мәчетендә «Йөрәктән йөрәккә» исемле истәлекле чара узды. Аны Кикино авылының Үзәк мәчете имам-хәзрәте Илдус Такташев һәм Кикин авылы Инвалидлар оешмасы рәисе, Каменка районының Татар мәдәнияте җәмгыяте әгъзасы Фирүзә Бариева оештырды. Чарада шигырьләр яңгырады, балалар Коръән аятьләрен һәм хәдисләрен башкарды. Бу хакта Пенза өлкәсе Татар милли-мәдәни мохтарияте хәбәр итә.
Чарада 115тән артык кеше катнашты. Алар арасында Кикин авылының төрле төркемдәге һәм яшьтәге инвалидлары, инвалид балалар һәм аларның ата-аналары, шулай ук махсус хәрби операциядә катнашучыларның әниләре, тыл хезмәтчәннәре, Үзәк мәчет каршындагы мәдрәсәдә укучылар бар иде.
Чарада катнашучыларга сәламләү сүзе белән Каменка районының Татар мәдәнияте җәмгыяте рәисе Рәшит Дәүликамов мөрәҗәгать итте. Ул традицион рухи-әхлакый кыйммәтләрне саклауның, шулай ук халык традицияләренә хөрмәт тәрбияләүнең мөһимлеген билгеләп үтте.
Тантаналы өлеш азагында имам-хәзрәт Илдус Такташев белән күмәк намаз укыдылар.
Кызыклы яңалыкларны күзәтеп бару өчен Телеграм-каналга язылыгыз