Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пенза өлкәсендә Гадел Кутуй иҗатына багышланган чаралар узачак
17 ноябрьдә «Гадел Кутуй безнең йөрәкләрдә» мәдәни-агарту марафоны кысаларында күренекле татар язучысы, тумышы белән Пенза ягыннан булган Гадел Кутуйның тууына 120 ел тулуга багышланган чаралар үткәрә. Бу хакта Бөтендөнья татар конгрессының матбугат хезмәте хәбәр итә.
Чараны Татарстан Республикасы «Социаль юнәлешле коммерцияле булмаган оешмаларга ярдәм күрсәтү буенча республика ресурс үзәге» коммерцияле булмаган автоном оешмасы гранты ярдәмендә, Пенза өлкәсе Татар милли-мәдәни автономиясе Пенза өлкәсенең Кузнецк районы Татар Кынадысы авылы урта гомуми белем бирү мәктәбе үткәрә.
Аерым алганда, бүген Гадел Кутуй иҗатына багышланган «Әдәби мирас» методик семинары узачак. Семинарның максаты: үзара тәҗрибә алмашу, яшь буынга рухи-әхлакый тәрбия бирү кысаларында уку йортларында язучыларның әсәрләрен өйрәнгәндә яңа технологияләр белән танышу һәм күренекле әдәбият, сәнгать эшлеклеләренең исемен мәңгеләштерү.
Татар Кынадысы авылында оештырылган чараларда Пенза, Саратов, Ульяновск өлкәләре, Татарстан Республикасы һәм Идел буеның башка төбәкләреннән килгән галимнәр, язучылар, туган якны өйрәнүчеләр, укытучылар, мәдәният хезмәткәрләре һәм җәмәгать эшлеклеләре катнаша.
Татарстаннан исә ТР Мәгариф һәм фән министрлыгы, ТР Язучылар берлеге һәм Бөтендөнья татар конгрессы вәкилләре катнашыр дип көтелә.
Кызыклы яңалыкларны күзәтеп бару өчен Телеграм-каналга язылыгыз