Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пенза өлкәсендә балалар өчен татар теле курслары ачылды
Пенза өлкәсенең Каменка шәһәрендә «Ак калфак» оешмасы тәкъдиме белән 6-9 яшьлек балалар өчен татар теле курслары ачылды. Балаларны 40 елдан артык стажы булган Равилә Баткаева укыта. Бөтендөнья татар конгрессы шул турыда хәбәр итә.
«Ак калфак» оешмасы рәисе Эльмира Васильева һәм аның урынбасары Галия Тенишева беренче дәрескә килде. Алар балаларга Г.Тукай әкиятләре татар, рус һәм инглиз телләрендә язылган китаплар бүләк итте. Дәресләр ял көннәрендә «Интеллект» Мәгариф Үзәгендә узачак.
Әлеге үзәкнең директоры – «Ак калфак» хатын-кызлар оешмасы әгъзасы Әдилә Багирова. Параллель рәвештә балалар һәм өлкәннәр өчен төркемнәргә җыю бара. Беренче дәрестән соң ата-аналар бик күп уңай бәя бирде. «Ак калфак» оешмасы вәкилләре дә балалар белән дәрестән соң төрле мастер-класслар үткәрергә җыена, дип хәбәр итә оешма җитәкчесе.
Кызыклы яңалыкларны күзәтеп бару өчен Телеграм-каналга язылыгыз