Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пенза өлкәсе Решетино авылы мәктәбенә татар сыйныфы өчен интерактив такта бүләк иттеләр
22 февральдә Пенза өлкәсе татар милли-мәдәни автономиясе рәисе Җиһанша Туктаров һәм аның урынбасары Марат Тенишев өлкәнең Пачелма районы Решетино авылы урта гомуми белем бирү мәктәбендә булды һәм татар теле сыйныфының эше белән танышты. Бу хакта Пенза өлкәсе татар милли-мәдәни автономиясе «ВКонтакте» социаль челтәрендәге төркемендә хәбәр ителә.
Җиһанша Туктаров һәм Марат Тенишев сәфәр барышында мәктәпнең татар теле сыйныфы өчен Бөтендөнья татар конгрессы исеменнән интерактив такта бүләк итте, ул төбәктә татар телен тагын да нәтиҗәлерәк үстерергә һәм сакларга ярдәм итәчәк, диелә хәбәрдә.
Очрашуда Пачелма районы хакимияте башлыгы урынбасары Александр Фаюстов, Пачелма районы мәгариф бүлеге башлыгы Надежда Колганова, Пачелма районы Решетино авылы урта гомуми белем бирү мәктәбе директоры Сафия Клейменова һәм Пачелма районы Решетино авыл советы администрациясе башлыгы Рамил Клейменов катнашты.
Пенза өлкәсе татар милли-мәдәни автономиясе милли белем бирү өлкәсендә актив эшләвен дәвам итә һәм һәрьяклап ярдәм күрсәткәне өчен Бөтендөнья татар конгрессына рәхмәт белдерә.
Кызыклы яңалыкларны күзәтеп бару өчен Телеграм-каналга язылыгыз