Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пенза өлкәсе авылларында Сабан туйлары башланды
Пенза өлкәсенең Пачелмск районы Решетино авылында, Каменск районы Кобылкино авылларында Сабантуйлары узды.
Бәйрәмдә Пенза өлкәсенең җирле үзидарә органнары һәм иҗтимагый оешмалар җитәкчелеге катнашты. Бу хакта Бөтендөнья татар конгрессының матбугат хезмәте хәбәр итә.
Решетино авылында сабан туе ат чабышыннан башланды. Чабышлар программасына биш ярыш кертелгән иде.
Пачелмск районы Татар мәдәнияте җәмгыяте рәисе Марат Тенишев Пенза өлкәсе Татар милли-мәдәни мохтарияте рәисе Җиһанша Туктаровның сәламләү хатын укыды. Авыл хезмәтчәннәренә Татарстан мохтариятеннән Рәхмәт хатлары һәм бүләкләр тапшырылды.
Кобылкино авылында бәйрәм басуда башланды, анда традицион «аш» узды. Урамда ук татар ашлары әзерләделәр. Бәйрәмнең тантаналы өлешендә Каменск районының Татар мәдәнияте җәмгыяте рәисе Рәшит Девликамов Татарстан мохтарияте рәисенең сәламләү хатын укыды, Рәхмәт хатлары һәм бүләкләр тапшырды. Сабантуй бәйрәм салюты һәм дискотека белән тәмамланды.
Сабантуй Сурск краеның башка районнарында да дәвам итә.
Кызыклы яңалыкларны күзәтеп бару өчен Телеграм-каналга язылыгыз