Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пенза өлкәсенең Урта Әләзән авылында Мәскәү Ислам көллиятен тәкъдим иткәннәр
Көллияттә югары дини һәм дөньяви белемгә ия булган мөгаллимнәр укыта.
(Казан, 20 июль, «Татар-информ»). Пенза өлкәсенең Городище районы Урта Әләзән авылы Җәмигъ мәчетендә Мәскәү өлкәсе Ислам көллиятен тәкъдим иткәннәр. Бу хакта Россия Мөфтиләр шурасы матбугат хезмәте хәбәр итә.
Али хәзрәт Хәсәнов уку йортының өстенлекләре турында җентекләп сөйләү өчен Мәскәүдән махсус килгән. Ул «Мәскәү өлкәсе Ислам көллияте» дини һөнәри белем бирү оешмасының Россия мөселманнарының рухи лидеры, Россия Мөфтиләр шурасы һәм РФ мөселманнары Диния нәзарәте башлыгы, мөфти шәех Равил Гайнетдиннең хәер-фатихасы белән ачылуын искәрткән. Көллиятне Мәскәү өлкәсе мөселманнары Диния нәзарәтенең Үзәкләштерелгән дини оешмасы гамәлгә куйган.
«Бездә студентлар «Ислам гыйбадәте» белгечлеге буенча белем ала. Көндезге бүлектә уку вакыты – 2 ел 10 ай, читтән торып уку бүлегендә - 3,5 ел. Көллияттә укыту программасының нигезен Коръән, тәфсир, гакыйдә, хәдис, фикһ һ.б. дини дисциплиналар тәшкил итә. Шулай ук рус, гарәп һ.б. телләрне өйрәнәләр», - дигән Али хәзрәт.
Аның сүзләренчә, студентлар психология, хокук нигезләре, педагогика кебек фәннәрне үзләштерәчәк. Көллияттә югары дини һәм дөньяви белемгә ия мөгаллимнәр укыта.
Кызыклы яңалыкларны күзәтеп бару өчен Телеграм-каналга язылыгыз