Татар дөньясы 5 сентябрь 2014 13:08

Пенза өлкәсе татарлары конгрессы Интернетта барлыгын белдерде

Сайтта ул үзен «Пенза өлкәсе эшкуарларына ярдәм итү иптәшлеге»нең башкарма органы дип атый

Скопировать ссылку

(Казан, 5 сентябрь, “Татар-информ”). Пенза өлкәсе татарлары конгрессы үзенең сайтын эшләтеп җибәрде. Бу сайтта ул үзен «Пенза өлкәсе эшкуарларына ярдәм итү иптәшлеге»нең башкарма органы дип атый.

Искәндәр Бахмутов islamnews.ru сайтында язуынча, бу сайтның төп кыйммәте — татар энциклопедиясе. Бу белешмә-ресурста Пенза өлкәсе татарларына караган төрле мәгълүмат тупланган.

Танылган җирле журналист Фатыйх Зюзин туплаган материал 2080 мәкалә, 44 кушымта, 284 татар авыллары һәм татарлар яшәгән торак пунктлары, 312 татар ыруы турында кыска мәгълүмат, танылган 348 шәхеснең биграфияләрендә бирелгән.

Энциклопедия Пенза өлкәсе татарлар турында гына язмый. Заманында өлкә белән бергә кушылган, күрше территорияләрдә: Мордовия, Сарытау, Тамбов, Сембер өлкәләрендәге милләттәшләребез дә игътибарсыз калмаган.

Кызганыч, сайтны бары тик урыс телендә генә укып булла, дип шул хакта яза Бөтендөнья татар конгрессы сайты.

Сәхифәләр

Пенза өлкәсе татарлары конгрессы Интернетта барлыгын белдерде