Пенсиянең бер өлешен кире кайтару: Татарстанда бу нинди очракларда мөмкин
Пенсия түләү – өлкән буын кешеләренә дәүләт ярдәме чараларының берсе. Әмма аерым очракларда пенсионердан түләүнең бер өлешен кире алырга мөмкиннәр. Мондый очраклар кайчан була ала – «Татар-информ» материалында.
Әгәр пенсионер түләнә торган пенсия күләменә йогынты ясый торган үзгәрешләр турында вакытында хәбәр итмәсә, пенсиянең бер өлешен кире кайтару бурычы туа.
Мисал өчен, канун нигезендә, әгәр аның карамагында балигъ булмаган туганнары булса, пенсионерга өстәмә түләү каралган. Карамактагы һәр кеше өчен түләү өстәмә билгеләнгән түләүнең өчтән берен тәшкил итә. Әгәр карамактагы кеше югары уку йортында яки урта махсус уку йортында көндезге бүлектә укыса, аңа түләүләр 23 яшькә кадәр озайтыла.
Әйтик, карамактагы кеше 20 яшендә читтән торып укуга күчкән яки куылган икән, шул вакыттан башлап пенсионерның аның өчен өстәмә түләү алырга хокукы юк. Ләкин пенсионер статусның үзгәрүе турында вакытында хәбәр итмәсә һәм берничә ай дәвамында бу өстәмәне алуын дәвам итсә, аңа артык түләгән бөтен акчаны кире кайтарырга туры киләчәк.