Икътисад 30 май 2022 15:31

Пенсия фонды 1 июньнән 8-17 яшьлек балалар өчен түләүләр күләме артуын хәбәр итте

Скопировать ссылку

1 июньнән яшәү минимумының күләме 10 процентка артуы сәбәпле, балалар өчен яңа айлык түләүләрнең дә күләме арта. Бу хакта бүген Россия Пенсия фондының Татарстан бүлеге идарәчесе урынбасары Елена Полякова хәбәр итте. Фонд вәкиле яңалыкны «Бердәм Россия» сәяси партиясенең Төбәк иҗтимагый кабул итү бүлмәсендә оештырылган онлайн-трансляция вакытында җиткерде.

«1 июньнән яшәү минимумын 10 процентка арттыру турында игълан ителде, ул 11 832 сум тәшкил итәчәк. Июнь аеннан айлык акчалата түләүләр арттырылачак, чөнки балалар өчен дә яшәү минимумы күләме арта», – диде ул.

Елена Полякова сүзләренчә, 2022 елның 1 маеннан Россия Пенсия фондының территориаль органнары 8 яшьтән 17 яшькә кадәрге балалары булган гаиләләргә айлык акчалата түләү билгеләү турындагы Россия Президентының Указын тормышка ашыра башлады. Ул, гаиләнең гомуми керемен һәр кешегә булеп исәпләгәндә, кеше башына туры килгән керем ил субъектында җан башына исәпләнгән яшәү минимумыннан артмаган очракта түләнә. Татарстанда бүгенге көндә җан башына туры килгән яшәү минимумы – 10 756 сум.

Ай саен түләнә торган ярдәм гаиләгә яшәү минимумының 50 проценты, 75проценты, яки 100 процент күләме кадәр дә билгеләнә ала. Аның күләме гаиләнең тәэмин ителеш дәрәҗәсенә карап исәпләнә. Бүгенге көндә бу төр айлык акчалата түләүнең 100 процентлы күләме 10 433 сум тәшкил итә.

Сәхифәләр

Пенсия фонды 1 июньнән 8-17 яшьлек балалар өчен түләүләр күләме артуын хәбәр итте