Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Педагогик югары уку йортларында кабул итү кампаниясе башланды
Югары уку йортларының рәсми сайтларында укырга керүчеләр өчен шәхси кабинет ясаганнар.
(Казан, 24 июнь, «Татар-информ»). Россиядә педагогик вузлар абитуриентлардан документлар кабул итә башлады. 2020 елда ул дистанцион формада уза. Бу турыда Татарстан Мәгариф һәм фән министрлыгының матбугат хезмәте хәбәр итте.
Югары уку йортларының рәсми сайтларында укырга керүчеләр өчен шәхси кабинетлар булдырылган, анда почта һәм телефоныңны расларга, үз паспорт мәгълүматларыңны күрсәтергә, тиешле документларның скан вариантларын беркетергә һәм гариза биргән программаны сайларга кирәк.
Документлар исемлегенә гариза, аттестат, олимпиада дипломнары, абитуриентның портфолиосы керә. Әлеге документларны кабул итү комиссиясе чыгарылыш сыйныф укучылары БДИ нәтиҗәләрен алганнан соң гына караячак.
Югары уку йортлары укырга керүчеләргә консультация бирү мөмкинлеген киңәйтте — «ярдәмче чат»тан файдаланырга, мессенджерлар аша сораулар бирергә, яисә кабул итү комиссиясенә шалтыратырга мөмкин.
Россиядә Мәгариф министрлыгына караган 33 педагогик вуз исәпләнә.
Кызыклы яңалыкларны күзәтеп бару өчен Телеграм-каналга язылыгыз