"Печән базары" фестивалендә катнашу өчен гаризалар кабул ителә
Гаризалар 20 июльгә кадәр кабул ителә.
Скопировать ссылку
(Казан, 28 июнь, "Татар-информ"). 2019 елның 17-18 август көннәрендә Кабан күле яр буенда "Печән базары" фестивале узачак. Бу хакта Бөтендөнья татар конгрессы матбугат хезмәте хәбәр итә.
Фестивальдә берничә мәйданчык эшләячәк. Бу - дизайн-маркет, лекторий, фәнни, бию, балалар мәйданчыклары, экскурсия мәйданчыклары һәм киңәйтелгән фуд-корт.
Катнашу өчен гариза тутырырга һәм конкурс сайлап алу турын узарга кирәк. Гаризалар 20 июльгә кадәр кабул ителә.
Керү - ирекле.